星期日又同魚一家去返大陸拜山,因為金星停駐而開始順行的關係,之前成晚都在處理失戀及破碎的心,一人同時對付數人,仲要係用心來安慰佢地,我開始懷疑我自己吸左咁多負能量點解會死唔去.
6點半被魚媽媽鏟醒,太恐怖了,我指我,因為小魚只會在兩個情況下發脾氣的,唔夠訓同累,我個星盤話我唔係人咁品ge憤怒,所以魚媽只好打出神主牌來嘗試我ge怒氣,”拜山就頂住啦!”祖先面前我只好努力出發,好彩係獅子姐夫車接我地去,如果我等巴士的話一定核爆,原來我而家ge獅子吼超越左白羊爸爸,真係要開始收下火先得啦,點知一開門,就有兩隻狗對我擺尾,原來係山羊家姐兩隻西施陪我地一齊坐車,有狗玩,d火都收左dd,之後在去鄉下的路上都睡不好,真係怕在祖先面前來一場大破壞.不過去到墓場ge時,已經有人代替的發火啦,有個阿伯同個管理員嘈,話無啦啦加10rmb.同我出左d火.
拜山go時,多年無見(十幾年,聽講我地有見過的)ge姪女終於出現了,佢唔係只係細我幾年咩?好似細好多咁ge?真係讀大學啦咩佢?出來做野之後,人(我指我)真係老得好快,我真係好怕佢俾人呃.一個天真的大學生.想起當年,我真係都係好幼稚,冥王過海王之後先醒小小(夢想的破壞與重生).不過而家都未成為一個真出的大人.都一直在逃避責任這兩個字.
而魚媽就話要去買貸,去到批發中心之後,我當然係努力吸收能量啦(sleeping)之後就聽到蛇啊,原本在d衣堆中,個保安找出了一條蛇喎,d女仔又驚又要睇,好煩,阿保安哥哥都好野啊,識捉蛇,真係要讚,但在保安哥哥捉到條snake之後都無人俾袋翜裝,好慘.又好搞笑,保安哥哥好無奈咁捉住佢.
之後回家一睡到天光啦.
