ace of cups同8 of cups,我一定記得你地ga!
唔係你地,我就唔會鼓起勇氣跟她表白,然後亦不會有今天這麼田地,我前世係唔係同水瓶座有仇?同埋水瓶同學,下次要拒絕人,唔該send個msg過來就ok了,不要約人出來講啦,俾人當面咁搞會死的,不過我無怪過你.我明白你只是想令大家都唔好咁傷心je,不過下次唔好對其他人咁做了,唔係人人都受得了的.
有個朋友話我真的很喜歡她,如果唔係我唔會咁鑊咁甘ge,算啦,雖然我覺得佢係有野我心目中的大部份的條件,而且我覺得她是一個可以跟我一生一世ge人je,如果今日錯過左可能就以後都無機再遇到je.我可能是太寂寞了,要強逼一個女仔跟我挨5,6年,要一個大好女仔將青春押在一個唔定性ge小朋友身上,可能是上天對我的安排吧.是一種懲罰吧
算啦,到今時今日我已經消化左e件事,不過分享下當時ge心態je,唉,如果真係想我放手,真係唔該直接send個msg來啦,唔好熱淚盈眶的在我面前同我講我無可能,令我仲有一丁點的希冀,繼而令我有幾日的避開你,.唉~(想起go一幕真係心酸,希望佢而家會釋懷小小啦)
就有我對她仲有一丁點的希冀的幾天中出現了這篇文章;
他其實沒那麼喜歡你
睇完之後我終於都醒曬,佢就算在我面前做咩都好,都已經無意識了,我又強求來做咩啊,仲有希望來做咩啊,仲避開佢做咩啊?如果真的大家都有心,一定會在一起lo,佢就算講得幾好,理由幾充分都好,最後都只係一個原因."他其實沒那麼喜歡你".不要誤會,我不是說她假,我絕對的肯定她的眼淚是真的,但是我亦明白她的心不是把我放在太重要的地位,雖然我知是有方法可以補救,但是這樣的愛情有甚麼意義呢?就由得她去吧.
話說回來,如果她答應了跟我一起,究竟我現在究竟會怎樣?為了她,我應該一定死撐著這份難挨的工作,再在她的要求下放棄學new-age,成為一個普通的灰領,日復一日的在賺錢,為了錢發愁,為了與同事比title而不開心,為了家庭而過著一些沒有意義的生活,咁人生就咁game over.
其實而家咁已經是上天俾我最好的安排了,可能我在學new-age學得7788時,會有一個合適的人出現在眼前呢(可能又是她呢,呵呵,講唔埋ga!),在那天來臨之前,我要令自己變成那個值得被愛的人.
不過我而家應該未完全可以放下,因為今次ge紀念歌都未出現.可能又要等上幾個月.呵呵.(同埋以前太陽,月亮同上昇是水瓶的女士,唔該離我遠d)<(我成為水瓶ge苦主都唔係一次ga啦)
